Amos 4

1సమరయ పర్వతం మీద ఉన్న

బాషాను ఆవులారా, పేదల్ని అణిచేస్తూ
దిక్కులేని వాళ్ళని బాధిస్తూ,
మీ భర్తలతో <<మాకు మద్యపానం తీసుకు రా>>
అనే మీరు, ఈ మాట వినండి.
2యెహోవాా ప్రభువు తన పరిశుద్ధత తోడని చేసిన ప్రమాణం ఇదే,
<< మిమ్మల్ని కొక్కేలతో పట్టుకుని తీసుకుపోయే రోజు వస్తూ ఉంది.
మీలో మిగతావారిని చేపల గాలాలతో పట్టుకుపోతారు.

3మీరంతా ప్రాకారాలలో పగుళ్ళగుండా దూరి వెళ్లిపోతారు.

మిమ్మల్ని హెర్మోను పర్వతం బయట పారవేస్తారు.>>
యెహోవాా ప్రకటించేది ఇదే.

4బేతేలుకు వచ్చి తిరుగుబాటు చేయండి.

గిల్గాలుకు వెళ్లి ఇంకా ఎక్కువగా తిరుగుబాటు చేయండి.
ప్రతి ఉదయం బలులు తీసుకు రండి.
మూడు రోజులకు ఒకసారి మీ పదో భాగాలు తీసుకురండి.
5రొట్టెతో కృతజ్ఞత అర్పణ అర్పించండి.
స్వేచ్ఛార్పణలు ప్రకటించండి.
వాటి గురించి చాటించండి.
ఇశ్రాయేలీయులారా, ఇలా చేయడం మీకిష్టం గదా.
యెహోవాా ప్రకటించేది ఇదే.

6మీ పట్టణాలన్నిటిలో మీకు తినడానికి ఏమీ లేకుండా చేశాను.

మీరున్న స్థలాలన్నిటిలో మీకు ఆహారం లేకుండా చేశాను.
అయినా మీరు నా వైపు తిరుగలేదు.
యెహోవాా ప్రకటించేది ఇదే.
7కోతకాలానికి మూడు నెలలు ముందే
వానలేకుండా చేశాను.
ఒక పట్టణం మీద వాన కురిపించి
మరొక పట్టణం మీద కురిపించలేదు.
ఒక చోట వాన పడింది,
వాన పడని పొలం ఎండిపోయింది.

8రెండు మూడు ఊర్లు

మంచినీళ్ళ కోసం మరొక ఊరికి ఆత్రంగా పోతే
అక్కడ కూడా వాళ్లకి సరిపోయినంత నీళ్ళు దొరకలేదు.
అయినా మీరు నా వైపు తిరగలేదు.
యెహోవాా ప్రకటించేది ఇదే.
9విస్తారమైన మీ తోటలన్నిటినీ
తెగుళ్ళతో నేను పాడు చేశాను.
మీ ద్రాక్షతోటలనూ
అంజూరపు చెట్లనీ
ఒలీవచెట్లనూ
మిడతలు తినేశాయి.
అయినా మీరు నావైపు తిరగలేదు.
యెహోవాా ప్రకటించేది ఇదే.

10నేను ఐగుప్తీయుల మీదికి తెగుళ్లు పంపించినట్టు

మీ మీదికి తెగుళ్లు పంపాను.
మీ యువకుల్ని కత్తితో చంపేశాను.
మీ గుర్రాలను తీసుకుపోయారు.
మీ శిబిరాల్లో పుట్టిన చెడ్డ వాసన
మీ ముక్కుల్లోకి ఎక్కింది.
అయినా మీరు నా వైపు తిరగలేదు.
యెహోవాా ప్రకటించేది ఇదే.
11దేవుడు సొదొమ గొమొర్రా పట్టణాలను నాశనం చేసినట్టు
నేను మీలో కొంతమందిని నాశనం చేశాను.
మీరు మంటలోనుంచి లాగేసిన కట్టెల్లాగా తప్పించుకున్నారు.
అయినా మీరు నా వైపు తిరగలేదు.
యెహోవాా ప్రకటించేది ఇదే.

12కాబట్టి ఇశ్రాయేలీయులారా,

మీపట్ల కఠినంగా ఇలా చేస్తాను.
కాబట్టి ఇశ్రాయేలీయులారా,
మీ దేవుణ్ణి కలుసుకోడానికి సిద్ధపడండి.
పర్వతాలను రూపించే వాడూ
గాలిని పుట్టించేవాడూ ఆయనే.
ఆయన తన ఆలోచనల్ని మనుషులకు వెల్లడి చేస్తాడు.
ఉదయాన్ని చీకటిగా మారుస్తాడు.
భూమి ఎత్తైన స్థలాల మీద నడుస్తాడు.
ఆయన పేరు సేనల ప్రభువు యెహోవాా.
13